1. ХҮН: 1. Суурь хэрэгцээгээ хангах зорилгоор сэтгэн боддог, бусадтай харилцдаг, хэлийг үүсгэн ашигладаг амьтан. 2. Суурь хэрэгцээгээ хангах зорилгоор сэтгэн боддог, бусадтай харилцдаг, хэл ярианы чадвартай амьтан.

2. ЭРХ: Нийгмийн харилцааны нийтлэг ёс зүйн/ёс суртахууны хэм хэмжээгээр хүлээн зөвшөөрөгдсөн, хүн жам ёсны суурь хэрэгцээгээ хангах үйлдлүүдийг гүйцэтгэх шаардлага.

3. ХУУЛЬ: Нийгмийн тодорхой зорилтыг хэрэгжүүлэх зорилгоор оролцогч талууд болон тэдгээрийн хүлээх үүрэг, холбогдох хариуцлагыг уялдуулан тодорхойлсон, тухайн улсын нутаг дэвсгэрийн хэмжээнд   дагаж мөрдөх, эрх бүхий байгууллагаас баталгаажуулсан тогтолцооны оюуны загвар.

4. ҮҮРЭГ: Суурь хэрэгцээгээ хангахын тулд гүйцэтгэдэг, ёс зүй болон хуулийн дагуу зайлшгүй, тогтвортой биелүүлэх үйлдэл.

5. ЭРХ ЧӨЛӨӨ:  Нийгмийн харилцааны нийтлэг ёс зүйн хэм хэмжээгээр хүлээн зөвшөөрөгдсөн, хүн суурь хэрэгцээгээ хангах үйлдлүүдийг тодорхой албадлага, хязгаарлалтгүйгээр гүйцэтгэх боломж.

6. ТӨР: Тодорхой нутаг дэвсгэрт хүний эрх, эрх чөлөөг баталгаатай эдлүүлэх орчин нөхцлийг хууль тогтоох засаглал, гүйцэтгэх засаглал, шүүх засаглалыг хэрэгжүүлэх замаар бүрдүүлэх, сайжруулах үүрэг бүхий тогтолцоо.

7. БОЛОВСРОЛ: Хүн суурь хэрэгцээгээ хангахын тулд суралцах замаар мэдлэгийг бүтээх чадвар.

8. ШҮҮХ: Хэрэг, маргааныг шийдвэрлэн тогтоох үүргийг хэрэгжүүлэх үйл ажиллагаа бүхий тогтолцоо.

9. ӨМЧ: Хүн, хуулийн этгээд эзэмших, ашиглах, захиран зарцуулах эрхтэй, биет болон биет бус хэлбэртэй хөрөнгө

10. НИЙГЭМ: Түүхэн урт хугацаанд тодорхой нутаг дэвсгэрт бүрэлддэг, нийтлэг соёл, үнэт зүйл, зан заншил, үзэл баримтлал бүхий бүлэг хүмүүсийн хоорондын харилцааны тогтолцоо.