ДЭМБ-аас цар тахал хэмээн тодорхойлсон covid-19 вирусээс урьдчилан сэргийлэх хүрээнд Монгол Улс шат дараатай олон арга хэмжээ авсны нэг нь ЕБС болон цэцэрлэг, Их дээд сургуулийн үйл ажиллагааг зогсоох байсан юм. Хүүхдүүдээ эрсдлээс хамгаалах энэхүү арга хэмжээг эхлээд нэг сарын хугацаанд үргэлжлүүлэх байсан ч зайлшгүй нөхцөл байдал, эрсдэл зэргээ тооцож, дөрөвдүгээр сарын 30-ны өдрийг хүртэл сунгах шийдвэр гаргасан. Харин уг шийдвэр дахин сунгагдаж  9 сарын 1 хүртэл үйл ажиллагааг зогсоох болсон.

Энэ шийдвэрийг эцэг эхчүүд болон багш нар хоёр өнцгөөс хүлээж аваад байгаа юм байна. Тэр тусмаа ЕБС-иа төгсөх сурагчид хичээл нь хоцрогдох, Их дээд сургуульд элсэх шалгалтдаа бэлтгэх хугацаа давчуу боллоо хэмээн эсэргүүцэж байсан. Харин хөдөө орон нутгийн тэр дундаа малчид хаврын мал төллөлтийн үеэр хүүхдүүд нь гэртээ байгаад олзуурхаж байгаа аж. 

Тэгвэл Теле хичээл орох нь ямар давуу талыг үүсгэж байна вэ? 

Теле хичээл нь танхимын хичээлээс илүү үр дүнтэй байж чадаж байна уу? 

Хүүхдүүдийн сэтгэл санаа хэр байна вэ?